Ista accepta sunt de cronicis Polonorum.

Mesco qui appellatus est rex Polonorum, cum esset gentilis, sub pacto conversionis accepit Danbrovcam filiam ducis Boemie in uxorem, que venit ad eum anno incarnationis dominice Nogentesimo (965) sexagesimo quinto, de qua genuit Bolezlaum magnum. Iste Mesco habuit sororem nomine Atleydemn, quam Jesse rex Ungarie accepit in uxorem. Que cum esset christiana, virum suum Jesse convertit ad fidem Christi. Ista post visionem per beatum Stephanum prothomartyrem sibi revelatam concepit et genuit Stephanum regem Ungarie.

A. d. nogentesimo lx° vij° (967) Bolezlaus magnus natus est.

Anno nogentesimo lxx° v° (975) Stephanus rex Ungarie nascitur. 984.

Anno nogentesimo lxxx° iiij°(984) Bolezlaus magnus ducit uxorem.

Anno nogentesimo lxxxx° (990) Mesco filius Bolezlai nascitur.

Anno nogentesimo lxxxx° v° (995) Lambertus episcopus Cracoviensis efficitur.

Anno nogentesimo lxxxx° vij° (997) passus est beatus Adelbertus in Pruscia.

Anno M° (1000) presidente Sylvestro secundo sedi apostolice, Stephanus rex Ungarie post obi patris sui Jesse anno quarto misit Adstricum episcopum ad ipsum Silvestrum pro corona regni petenda. Eodem tempore pro simili negotio premiserat dux Mesco Lambertum episco-pum Cracoviensem; sed dominus papa visione monitus angelica corona in quam duci Mesconi preparaverat, transmisit Stephano regi Ungarie.

Anno M° iii° (1003) heremite in Polonia martirizati sunt in Kazmir, Benedictus, Matheus, Christinus, Johannes, Ysaac.

Anno M° xiij° (1013) Mesco filius Bolezlai primi duxit uxorem sororem Ottonis tercij imperatores.

Anno M° xv° (1015) Kasimir dux natus est.

Anno M° xxv° (1025) Bolezlaus magnus obijt. Iste dictus animosus, cum esset unicus patri Mesconi primo et nepos ducis Boemie, consobrinusque regis Ungarie, audaciam assumpsit ex eorum adiutorio. Iste manu potenti terminos Polonie dilatavit, versus orientem in porta Kiov, versus occidentem usque in Salam. Ecclesiam dei exaltavit, episcopatus distinxit, et dotavit et ditavit, attribuens eis predia, castra, familias et servicia, omnem culturam eradicans ydolorum, fundans pacem et iusticiam in terra.

Anno M° lx° vij° (1067) Jeronimus episcopus Wrat. obijt.

Anno M° lxx° j° (1071) Lambertus episcopus Cracoviensis obijt.

Anno M° lxx° ij° (1072) Stanizlaus ei succedit, et in episcopum ordinatur.

Anno M° lxx° iiij° (1074) ordinatio Petri episcopi Wrat.

Anno M° lxx° ix° (1079) passus est sanctus Stanizlaus episcopus Cracoviensis iij° ydus Aprilis,

Item anno M° c iiij° (1104) Bolezlaus tercius duxit uxorem Rutenam, de qua genuit Wlodizlaum; qua mortua accepit Theutonicam de qua genuit quatuor filios, Bolezlaum quartum, Mesconem, Heinricum et Cazimirum.

Item anno M° c° xl ij° (1142-1143) Radost episcopus Cracoviensis obijt, et sequenti anno Rubertus episcopus Wrat. translatus est in episcopum Cracoviensem, et ipse ecclesiam S. Wencezlai consecravit. Quo mortuo successit ei Matheus in episcopatu Cracoviensi, et presedit xxiij annis.

Item anno M c° lx° v° (1165-1166) Matheus episcopus Cracoviensis obijt; sequenti anno Gerco pro eo consecratur.

Nota quod secundum fidem cronicarum isti beatissimi principes et pontifices uno tempore fuerunt, et mundum suis virtutibus decentissime in sua vita illustraverunt, videlicet sanctus Heinricus imperator et sancta Cunegundis, qui in matrimonio coniuncti, tamen ambo virgines permanserunt, et in Babenberc requiescunt, et sanctus Otto episcopus eiusdem civitatis, qui cum sancto Adelberto post conversionem Polonorum ad fidem, Pomoraniam ad Christum convertit; sed postea solus sanctus Adelbertus Pruzziam predicando invasit, et ibidem martyrium sumpsit. In Ungaria autem sanctus Stephanus rex supra memoratus, sororius sancti Heinrici imperatoris, quem baptizaverat sanctus Adelbertus de mandato domini pape.